Mi fydd y Fenter yn symud i gartref newydd ar ddechrau mis Rhagfyr ac i ddathlu, mae'n mabwysiadu logo a delwedd newydd hefyd. Ein cyfeiriad newydd fydd : Llawr Cyntaf, 9. Y Stryd Fawr, Pontypridd. CF37 1QJ a hwn fydd unig swyddfa'r Fenter o'r flwyddyn newydd.

Mae'r plant sydd yn mynychu Clwb Carco Garth Olwg yn cael y cyfle i wneud ychydig o grochenwaith bob yn ail Nos Fercher fel rhan o ddarpariaeth y Clwb. Mae'r Clwb yn cael defnydd o 'stafell arbennig ar gampws Garth Olwg ac yn llythrennol yn mynd yn "potty".

Bydd Sgorio '58 yn cynnal Clwb Chwaraeon ar ôl ysgol Cyffroes i ddisgyblion ysgolion cynradd Cymraeg. Mi fydd yn dechrau yn y flwyddyn newydd ar Ionawr y 9fed, ac yn cael eu cynnal yn wythnosol. Bydd y clwb yn wreiddiol yn digwydd ar nos Wener ond mae hi'n fwriad estyn hyn ar ôl y Pasg. Dyma fydd yr amserlen wreiddiol :

Nos Wener: 5.00 - 5.50pm: Rugby TAG Derbyn: B1 a B2. Yn y gampfa, Garth Olwg.



Nos Wener: 6.10 - 7.00pm: Pêl droed: Bl 3 & 4 + Bl 5 & 6. Astroturf, Garth Olwg.


Mwy o fanylion i ddilyn yn fuan

Mi fydd y Fenter yn cynnal cynllun drama Cymraeg yn Aberdâr yn y flwyddyn newydd. Cynhelir y cynllun yng Nghanolfan Cwmamam a mi fydd yn agored i ddisgyblion Ysgolion Cynradd yr ardal a mi fydd mewn 2 sesiwn awr yn cychwyn am 4.00 y.h. Bwriadir iddo ddechrau ar Nos Lun, Ionawr 12fed 2009 a rhedeg tan yr Hâf ( gyda toriadau adeg gwyliau ysgol). Mae'r niferoedd yn gyfyngedig a felly os oes gennych ddiddordeb i'ch plentyn fynychu'r cynllun, cysylltwch â'r Fenter ar naill ai 01443 226386 neu 01685 882299. Hefyd allwch chi ofyn am fanylion pellach ar e-bost : prifswyddog@menteriaith.org